| |
Qaraciyər serrozundan əziyyət çəkən Yaşar Nuri Türkiyənin Memorial xəstəxanasına aparılıb.
Xalq artisti Yaşar Nuri İstanbulun Memorial xəstəxanasına yerləşdirilib. Sənətçinin səhhətində ciddi problemlər yarandığından ailəsi onun müalicəsini məhz Türkiyədə davam edirməyə qərar verib. Qaraciyər serrozundan əziyyət çəkən Yaşar Nurini müayinə edən Memorial xəstəxananın həkim-cərrahı Koray Acarlının verdiyi məlumata görə, aktyorun vəziyyəti hazırda qənaətbəxşdir. Amma sənətkarın bundan sonra hansı diaqnozla müalicə olunacağı yalnız keçdiyi bir sıra müayinələrdən sonra məlum olacaq. Onun xəstəxanadan nə vaxt çıxacağı isə məlum deyil. İki ay bundan öncə Yaşar Nurinin ciyərində yaranan ciddi problemlər üzündən o, Mərkəzi Neftçilər Xəstəxanasına yerləşdirilmişdi. Amma sənətkarın xanımı Rəhimə Nuriyevanın dediyinə görə, uzun müddətli müalicə heç bir nəticə vermədiyindən aktyorun səhhətində yaxşılığa doğru heç bir irəliləyiş müşahidə olunmayıb.
Yaşar Nuri sabah sonuncu müayinədən keçəcək. Ona exokardioqramma olunacaq. Yeri gəlmişkən, Rəhimə Nuriyevanın verdiyi məlumata görə, Yaşar Nurini Memorial xəstəxanada bu gün Azərbaycanın İstanbuldakı baş konsulu Səyyad Aran da ziyarət edib.
|
Geri
Eyni kateqoriyadan digər xəbərlər
