| |
 Geri |
|
| |
|
Xaricdəki tələbələrimiz sahibsizdir
25.11.2008 20:49:00
Dövlət xətti ilə təhsil alan bir qrup azərbaycanlı tələbənin xərcləri ödənilmir |
|
| |
“Azərbaycanlı gənclərin xarici ölkələrdə təhsil alması üzrə Dövlət Proqramı” çərçivəsində xaricidə təhsil alan bir qrup tələbənin valideynləri Milli Məclisin qarşısına toplaşaraq dövlət tərəfindən nəzərdə tutulan xərclərin övladlarına ödənmədiyi haqda deputatlara şikayət ediblər.
Valideynlər Dövlət Proqramına uyğun olaraq, övladlarının xarici ölkələrdə təhsil almağa göndərilmələrinə baxmayaraq, indiyə kimi onların xərclərini özlərinin ödədiklərini bildiriblər. Millət vəkilləri məsələ ilə maraqlanacaqlarına söz veriblər.
Təhsil Nazirliyinin mühasibat uçotu və hesabat sektorunun aparıcı məsləhətçisi Ədilə Əhmədova açıqlamasında deyib ki, “Azərbaycanlı gənclərin xarici ölkələrdə təhsil alması üzrə Dövlət Proqramı” çərçivəsində xarici ölkələrdə təhsil alan azərbaycanlı tələbələrin yaşayış xərclərinin ödənilməməsinin səbəbini sözügedən məsələ ilə bağlı normativlərin Nazirlər Kabineti (NK) tərəfindən hələ təsdiq edilməməsi ilə bağlıdır.
Onun sözlərinə görə, ötən il proqram çərçivəsində xarici ölkələrə təhsil almaq məqsədi ilə gedən gənclərin yaşayış xərcləri onların oxuduqları ali məktəblər və yaşadıqları yataqxanalardan təqdim edilən maliyyə sənədləri əsasında ödənilib. NK-nın bu ilin iyunun 3-də verdiyi 128 saylı “Xarici ölkələrdə təhsil alacaq azərbaycanlı gənclərin seçim qaydalarının təsdiq edilməsi haqqında” qərarına uyğun olaraq isə 2008-2009-cu il tədris ilindən həmin tələbələrin yaşayış xərclərinin ödənilməsi xüsusi normativlər əsasında həyata keçirilməlidir. Həmin normativləri artıq hazırlayaraq NK-ya təqdim etdiklərini deyən Ə. Əhmədova bildirib ki, bu sənəd təsdiqlənən kimi tələbələrin həmin xərcləri tədris ilinin əvvəlindən hesablanmaqla ödəniləcək.
Nazirlik səlahiyyətlisinin sözlərinə görə, bu il 19 ölkədə təhsil alan 200-ə yaxın azərbaycanlının yaşayış xərclərinin ödənilməsi üçün təqribən 5 milyon manat tələb olunur. Ə. Əhmədova onu da qeyd edib ki, hazırda tələbələrin yaşayış xərclərindən başqa digər xərclərinin - təhsil haqqı, yol bileti, viza rüsumu, qeydiyyat haqqının ödənilməsində heç bir problem yoxdur, bunun üçün tələb olunan vəsaitlər dövlət tərəfindən maliyyələşdirilir.
Məsələ ilə bağlı NK-nın mövqeyini öyrənmək üçün qurumun mətbuat xidmətinin rəhbəri Akif Əli ilə əlaqə saxlamaq mümkün olmayıb.
Qeyd edək ki, tələb olunan vəsait Dövlət Neft Fondundan ayrılır.
|
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
|
|
|
|
|
| |
 SORĞU |
|
|
|
|
|
|
|
|
Eyni kateqoriyadan digər xəbərlər
