| |
Geri |
|
| |
 |
Vladimir Voronin spiker Oqtay Əsədovla görüşüb
24.04.2008 12:47:26
Spiker Moldova ilə Azərbaycan arasında əlaqələrin bütün sahələrdə inkişafında parlamentlərin də müəyyən payının olduğunu vurğulayıb |
|
| |
Moldova prezidenti Vladimir Voroninin Azərbaycana səfəri davam edir. O bu gün Milli Məclisdə parlamentin spikeri Oqtay Əsədovla görüşüb. O, Moldova ilə Azərbaycan arasında əlaqələrin bütün sahələrdə inkişaf etdiyini deyərək, bunda parlamentlərin də müəyyən payının olduğunu vurğulayıb. Azərbaycanın Milli Məclisində Moldova -Azərbaycan dostluq qrupunun fəaliyyət göstərdiyini xatırladan parlament sədri hər iki ölkənin millət vəkillərinin beynəlxalq təşkilatlar çərçivəsində geniş əməkdaşlıq etdiklərini bildirib. Spiker GUAM çərçivəsində əməkdaşlığın da uğurla inkişaf etdiyini deyib. Spiker ölkələrimizin ərazisindəki münaqişələrə də toxunub və hər iki ölkənin separatizmdən əziyyət çəkdiyni deyib. Azərbaycan və Moldova nümayəndələrinin beynəlxalq səviyyədə əməkdaşlığını qənaətbəxş hesab edən Moldova prezidenti Vladimir Voronin isə ölkəsinin bundan sonra da istər BMT-də, istərsə də digər beynəlxalq təşkilatlarda Azərbaycanın mövqeyini dəstəkləcəyini bildirib. |
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|