| |
Vatikanda Apostol Dəftərxanası Sarayında (Palazzo della Cancelleria Apostolica) soydaşımız, Azərbaycanın əməkdar rəssamı, UNESCO Rəssamlar Federasiyasının üzvü Əşrəf Heybətovun fərdi sərgisi açılıb. Xaricdə Yaşayan Azərbaycanlılarla İş Üzrə Dövlət Komitəsindən verilən məlumata göərə, sərgidə əsasən Bibliya mövzusunda işlənmiş əsərlər nümayiş etdirilir. Tədbiri açan Azərbaycanın İsveçrə Konfederasiyasında, eyni zamanda Müqəddəs Taxt-Tacda akkreditə olunmuş səfiri Elçin Əmirbəyov bildirib ki, bu sərginin məqsədi Azərbaycanla Vatikan arasında mədəni əlaqələri genişləndirməkdir. Səfirin fikrincə, bu sərgi həm də Azərbaycanın mədəniyyətlər, dinlər və sivilizasiyalararası dialoqa getdikcə daha çox tövhə verməsinin göstəricisidir.
Vatikan adından çıxış edən Apostol Şurasının mədəniyyət məsələləri üzrə katibi Bernar Ardura da Azərbaycan səfirinin fikrini dəstəkləyərək bu tədbiri dinlərarası dialoqa dəstək istiqamətində mühüm təşəbbüs adlandırıb. Bernar Ardura bu təşəbbüsün Avropa Birliyinin müxtəlif mədəniyyətlər arasında dialoq ili elan etdiyi 2008-ci ildə reallamasının xüsusən əhəmiyyətli olduğunu vurğulayıb. Vatikan rəsmisi öz çıxışında qeyd edib ki, Azərbaycan cəmiyyətində mövcud olan tolerantlığı, o cümlədən Azərbaycandakı katolik icmasına göstərilən cöx gözəl münasibəti Müqəddəs Taxt-Tac yüksək qiymətləndirir. Bernar Arduranın fikrincə, əhalisinin əsas hissəsi müsəlmanlardan ibarət Azərbaycanı təmsil edən rəssam Əşrəf Heybətovun Bibliya mövzusunda işlədiyi rəsmlər Azərbaycan xalqının başqa dinlərə və xalqlara qarşı dözümlülüyünü bir daha təsdiq edir. “Bundan başqa rəssamın bütün obrazları aydın və ifadəli işləməsi belə bir fikir söyləməyə əsas verir ki, incəsənət müxtəlif mədəniyyətləri təmsil edən insanları birləşdirə bilir”-deyə Vatikan təmsilçisi Bernar Ardura əlavə edib. |
Geri
Eyni kateqoriyadan digər xəbərlər
