| |
Türkiyə Cinayət Məcəlləsinin 301-ci maddəsində dəyişikliyi nəzərdə tutan təklif Türkiyə Böyük Millət Məclisinin iclasında 250 lehinə, 65 əleyhinə səslə qəbul edilib. Qanuna görə, 301-ci maddədə yer alan “türklülüyü” ifadəsi “Türk milləti”, “Cumhuriyyəti” ifadəsi isə “ Türkiyə Cumhuriyyəti Dövləti” ifadəsi ilə dəyişdirilib.
Qəbul edilən qanuna görə, 301-ci maddənin başlığı “ Türk millətini, Türkiyə Cumhuriyyəti Dövlətini, Dövlətin qurum və orqanlarını təhqir” kimi dəyişdirilib. Dəyişikliyə görə, Türk Millətini, Türkiyə Cumhuriyyəti Dövlətini və ya Türkiyə Böyük Millət Məclisi, Türkiyə Cumhuriyyəti Hökumətini və dövlətin məhkəmə orqanlarını təhqir edən şəxs 6 aydan 2 ilə qədər həbs edilə bilər. Dövlətin hərbi və ya ədliyyə təşkilatlarını açıq-aşkar təhqir edən şəxslərə də eyni cəza veriləcək. Tənqid məqsədilə deyilən fikirlərə görə isə cinayət məsuliyyəti düşməyəcək.
Bu cinayətlə bağlı istintaq aparılması isə Ədliyyə nazirinin birbaşa icazəsinə bağlı olacaq.
Xatırladaq ki, Avropa İttifaqı bu qanunu tənqid etmişdi. Qurum bildirmişdi ki, qanundakı müddəlar söz azadlığının məhdudlaşdırılması üçün istifadə olunur. 301-ci maddədən əsasən Nobel laureatı Orxan Pamuka qarşı istifadə olunmuşdu.
Qeyd edək ki, əvvəllər 301-ci maddə ilə təqsirli bilinən şəxslər 6 aydan 3 ilə qədər həbs oluna bilərdilər. Əvvəllər 301-ci maddəyə görə, xarici ölkədə yaşayan bir türk türklülüyü təhqir edərdisə, ona veriləcək cəza 1/3 nisbətində artırılması nəzərdə tutulurdu. |
Geri
Eyni kateqoriyadan digər xəbərlər
