| |
 Geri |
|
| |
 |
Tiflisdə «Erməni separatizmi və terrorizmi» adlı elmi konfrans keçirilib
24.04.2008 12:12:49
Tədbirin məqsədi ermənilərin, bölgənin və bütövlükdə Qafqazın tarixində apardığı aqressiv siyasətini, o cümlədən saxta iddialarını ictimaiyyətə çatdırmaqdan ibarətdir |
|
| |
Aprelin 23-də Tiflisdə «Erməni separatizmi və terrorizmi» adlı elmi konfrans öz işinə başlayıb. Suxumi dövlət universitetinin professoru Quram Marxuliya bildirib ki, gürcüstanlı ziyalıların, tələbə və tarixçi alimlərin iştirakı ilə təşkil olunmuş tədbirin məqsədi, özünü beynəlxalq aləmdə soyqırıma məruz qalmış xalq kimi qələmə verən ermənilərin, bölgənin və bütövlükdə Qafqazın tarixində apardığı aqressiv siyasətini, o cümlədən saxta iddialarını ictimaiyyətə çatdırmaqdan ibarətdir: «Biz qərara aldıq ki, Gürcüstan ictimaiyyətinə erməni terror maşınının Qafqaz regionunda və həmçinin bütün dünyada nələr etdiyini çatdıraq. Biz osmanlı imperiyası dövründə ermənilərin guya soyqırıma məruz qalması məsələsinin əsil mahiyyətini Gürcüstan ictimaiyyətinə çatdırmaq istəyirik. Bunun necə olduğunu ictimaiyyət bilməlidir. Əslində türklər soyqırıma məruz qalıb, ermənilər yox. Bu münasibəti birdəfəlik dəyişmək lazımdır. Dünya ictimaiyyəti həqiqəti bilməlidir. Konfransın keçirilməsinin məqsədi də bundan ibarətdir».
Toplantıda çıxış edənlər ermənilərin Qafqaz regionunda yeritdiyi aqressiv siyasət və erməni terrorunun nəticələri barədə tarixi dəlilləri əks etdirən məruzələr səsləndirib. tarixçi alim, professor Zurab Panaskiri bildirib ki, böyük Ermənistan xülyaları ilə təşkilatlanan erməni milləti rəsmi olaraq bütün Qafqazın aborigenləri olduqlarını bəyan edərək separatizm və onun nəticəsi olan terrorizm ideyalarını yayır: «Ümumiyyətlə tarixşünaslıqda ermənilərə aqressivlik çox xarakterikdir. Mənim çıxışım da bundan ibarətdir. Yəni erməni tarixşünaslığı dünyada ən aqressiv hesab olunur. Onlar tarixən hər yerdə nəyisə zəbt etməyə çalışıb, biz bilirik ki, müasir Ermənistanın böyük hissəsi Azərbaycanın dövlət əraziləridir. Orada İrəvan xanlığı, Naxçıvan xanlığı və Qarabağ xanlığı olub. Bunu unutmaq olmaz».
Qeyd edək ki, erməni terrorizmi və separatizmini ifşa edən bu cür elmi konfransın keçirilməsi Gürcüstanda ilk dəfədir ki, baş tutur və təşkilatçılar bu cür toplantının beynəlxalq mütəxəssislərin cəlbi ilə ildə 1 dəfə keçirilməsini qərara alıb.
|
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
Eyni kateqoriyadan digər xəbərlər
