| |
2008-ci ildə 115 yeni məktəb və 32 yeni korpus tikiləcək. 94 məktəb isə əsaslı təmir ediləcək. Bu barədə təhsil naziri Misir Mərdanov keçirdiyi mətbuat konfransında məlumat verib. Bildirib ki, təhsil sahəsində bu il xeyli yeniliklər gözlənilir. Qarşıda duran məsələlərdən biri də təhsil sitemlərinin ayrı-ayrı pillələrində təhsil müəssisələrinin maddi texniki bazasının yaxşılaşdırılmasıdır. Planda 243 ümumtəhsil məktəbinin istilik sisteminin təmiri və bərpası, 21 uşaq bağçasının, 10 internat məktəbinin və 4 peşə məktəbinin əsaslı təmiri, rayon ümumtəhsil şöbələri üçün 4 yeni binanın tikintisi də var. Təhsil müəssisələrinin kompüterləşməsi ilə bağlı da yeni proqram hazırlanıb. Təhsil naziri ilin sonunadək Bakı, Abşeron və Sumqayıt təhsil müəssisələrinin geniş zolaqlı internet şəbəkəsinə qoşulacağını bildirdi. 2008-2009-cu tədris ilinnin birinciləri üçün dərsiliklər kurrikulumlar əsasında çap ediləcək. Özü də hər biri 123 min nüsxə. Artıq ilk nömrə çapdan çıxıb. Yeniliklərdən biri də «Yeni imtahan siyasəti prqramı» ola bilər. Proqram təsdiqlənərsə orta məktəblərdə 3 pillədə, 4-9-11-ci siniflərdə milli imtahan keçiriləcək. Ali təhsildə də islahatlar gözlənilir. Martın sonunda hökümətə təqdim ediləcək proqramda ali məktəblərdə adambaşına maliyyələşməyə keçid və bakalavr pilləsində ixtisasların sayının azaldılması ilə bağlı təkliflər də var. Təhsil naziri deyir ki, bu məsələni tələbi nəzərə alaraq qəbul planını formalaşdırmaqla həll etmək olar. «Məsələn, bir ixtisasda dövlət hesabına dövlətin ehtiyacı olduğu qədər adam təhsil ala bilər. Digərləri şəxsi vəsaiti hesabına oxuyar. Dövlət hesabına təhsil alanlar isə şərtlər əsasında kadr çatışmayan bölgələrdə işləyə bilər». Nazir belə olduğu halda müəllimlə bol olan ölkəmizdə müəllim çatışmazlığı yaşanmayacağını deyir. |
Geri
Eyni kateqoriyadan digər xəbərlər
