| |
Prezident Emomali Rahmonun fərmanı ilə Tacikistan Azərbaycandakı səfiri vəzifəsi fəlsəfə elmləri doktoru Zokir Vəzirova tapşırılıb.
Tacikistan prezidenti Emomali Rahmon Tacikistanın Azərbaycandakı ilk səfirini təyin edib. E. Rahmonun fərmanı ilə Tacikistan Azərbaycandakı səfiri fəlsəfə elmləri doktoru Zokir Vəzirov təyin edilib. O, bundan əvvəl Sahibkarlıq və Xidmət İnstitutunun rektoru vəzifəsini tutub.
Qeyd edək ki, Z. Vəzirov 1948-ci il mayın 5-də Düşənbədən 300 km şərqdə yerləşən Tavildarinsk rayonunda anadan olub. 1970-ci ildə o, Düşənbə Dövlət Pedaqoji İnstitutunun Tarix fakültəsini qırmızı diplomla bitirib. Müxtəlif vaxtlarda Tacikistanın təhsil naziri, baş nazirin müavini, əmək və əhalinin sosial müdafiəsi naziri vəzifələrində çalışıb.
Xatırladaq ki, Tacikistanın Bakıda səfirliyinin açılması barədə razılıq ötən il əldə olunub.
|
Geri
Eyni kateqoriyadan digər xəbərlər
