| |
Azərbaycan şahmatçısı Teymur Rəcəbov Moreliya-Linares turnirini heç-heçə ilə başa vurub.
Qara fiqurlarla mübarizə aparan həmyerlimiz norveçli Maqnus Karlsenlə xalı yarı bölüb. Super turnirin sonuncu 14-cü turunda keçirilən digər üç qarşılaşma daha tez başa çatdığından T. Rəcəbov və M. Karlsen 69-cu gedişdə həm turniri, həm də heç-heçə turunu bitdiyini elan ediblər.
Son oyun günündə Vişvanatan Anand-Veselin Topalov, Peter Leko-Levon Aronyan, Aleksey Şirov-Vasili İvançuk cütləri bərabərliyə razılaşıb. Artıq 23-cü gedişdə rəqibi ilə xalı bölən hindistanlı V. Anand turnirin qalibi olub. M. Karlsen T. Rəcəbovla sonadək mübarizə aparıb qalibiyyətə şərik olmaq istəsə də, həmyerlimiz buna imkan verməyib. Qələbə sayəsində həm rəqibinə çatmaq, həm də ikinci yerə şərik olmaq şansı olan şahmatçımız yekunda 5-ci yerlə kifayətlənib.
Yekun cədvəli: 1. V. Anand-8,5; 2. M.Karlsen- 8; 3-4. L. Aronyan, V.Topalov-7,5; 5. T. Rəcəbov-7; 6. V. İvançuk-6,5; 7-8. A. Şirov, P.Leko-6.
|
Geri
Eyni kateqoriyadan digər xəbərlər
