| |
 Geri |
|
| |
 |
Sada Kamber Azərbaycanda səfərdədir
21.11.2008 18:18:57
Sada Kamber bildirib ki, Azərbaycanla İKT arasında mövcud əlaqələr qənaətbəxşdir |
|
| |
Sada Kamber bildirib ki, Azərbaycanla İKT arasında mövcud əlaqələr qənaətbəxşdir.
Birləşmiş ştatların İslam konfransı təşkilatındakı (İKT) nümayəndəsi Sada Kamber Azərbaycanda səfərdədir. Bu gün o bütün Qafqazın Şeyxi hacı Allahşükür Paşazadə ilə görüşüb. Sada Kamber bildirib ki, Azərbaycanla İKT arasında mövcud əlaqələr qənaətbəxşdir. Şeyx də ölkəmizlə təşkilat arasındakı münasibətlərdən razılığını ifadə edib. Bütün Qafqazın Şeyxi qonağa BMT və Yunesko yanında məşvərət şurasının yaradılması ideyası barədə məlumatlar verib və onun əhəmiyyətindən danışıb. Bütün Qafqazın Şeyxi qonağa gələn il Azərbaycanda dinlərarası dialoq mövzusunda keçiriləcək toplantı barədə də məlumat verib. İKT-yə üzv ölkələrə səfəri çərçivəsində son 7 ayda artıq 27 ölkədə olduğunu deyən Sada Kamber isə Azərbaycanda dini tolerantlığın nəzərə çarpacaq səviyyədə olduğunu söyləyib: “Corc Buş məni bu vəzifəyə təyin edəndən sonra 27 ölkəyə səfər etmişəm. Buş həmçinin məni bu vəzifəyə təyin edərkən, bizim prioritet məsələmiz sülh və dinlərarası müsnasibətləri yaxşılaşdırmaq olmalıdır deyib. Beləliklə də mən Azərbaycana səfər edəndə görürəm ki, bu ölkə tolerantlığın bariz nümmunəsidir. Mən burda sivilizasiyaların çaxnaşmasını görmürəm. Buna görə də Qərbdə İslamın mahiyyətini görüb anlamalıdırlar. Bunun üçün Azərbaycan çox gözəl nümunədir. Müsəlmanlar da digər dinləri tanıyıb onlara rəğbət bəsləməlidirlər. Daha tolerant olmalıdırlar”.
Bütün Qafqazın Şeyxi hacı Allahşükür Paşazadə Dağlıq Qarabağ münaqişəsi ilə bağlı da qonağa ətraflı məlumat verib. Görüşün sonunda ABŞ-ın KKT-dəki nümayəndəsinə xatirə hədiyyəsi təqdim olunub. |
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
|
|
|
|
|
| |
 SORĞU |
|
|
|
|
|
|
|
|
Eyni kateqoriyadan digər xəbərlər
