| |
 Geri |
|
| |
 |
Prezidentlər görüşdü
29.11.2008 13:57:06
Azərbaycan, Türkiyə və Türkmənistan prezidentləri Türkmənbaşı şəhərində görüşüblər |
|
| |
Bu gün Türkmənistanın Türkmənbaşı şəhərində Azərbaycan Prezidenti İlham Əliyevin, Türkiyə Prezidenti Abdullah Gülün və Türkmənistan Prezidenti Qurbanqulu Berdiməhəmmədovun üçtərəfli görüşü olub. Dövlət başçıları əvvəlcə birgə foto çəkdiriblər. Qurbanqulu Berdiməhəmmədov qonaqları salamlayaraq, Türkmənistana səfərə gəldiklərinə görə təşəkkür edib. Abdullah Gül üç ölkə arasında əlaqələrin yüksək səviyyədə olduğunu bildirib. O, Azərbaycan, Türkmənistan və Türkiyə prezidentlərinin birgə görüşünün əhəmiyyətini vurğulayıb.
Daha sonra çıxış edən İlham Əliyev üç qardaş ölkənin prezidentlərinin ilk dəfə üçtərəfli görüş keçirdiyini bildirib:
"Bu görüşə çox böyük əhəmiyyət verirəm. Əminəm ki, görüşün nəticələri uğurlu olacaq. Bizim aramızda dostluq, qardaşlıq əlqələrinin möhkəmlənməsi üçün də bu görüşün çox gözəl nəticələri olacaq. Bizi ortaq tarix birləşdirir, dil, müştərək mədəni köklər birləşdirir. Bu gözəl zəmin əsasında üç müstəqil ölkə öz siyasətini aparır, biz aramızda olan bu gözəl, ənənəvi dostluq, qardaşlıq münasibətlərinin inkişafı üçün çalışırıq.
Mən çox şadam ki, bu gün qardaş Türkmənistan torpağındayam. Dünən mənim rəsmi səfərim də çox uğurlu keçib. Çox mühüm razılaşmalar əldə edilib. Əminəm ki, bu görüş də çox yaxşı keçəcək və gözəl nəticələri görəcəyik".
|
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
|
|
|
|
|
| |
 SORĞU |
|
|
|
|
|
|
|
|
Eyni kateqoriyadan digər xəbərlər
