| |
 Geri |
|
| |
 |
Bakı merinin sonu yaxınlaşır?
01.12.2008 17:10:05
Bakı merinə qarşı gizli plan sona çatır. Paytaxta yiyələnmək uğrunda mübarizəyə daha bir nəfər qoşulub |
|
| |
Hazırkı iqtidar komandasında ən “uzunömürlü” kadrlardan birinin məhz Bakı Şəhər İcra Hakimiyyətinin başçısı Hacıbala Abutalıbov olduğu sirr deyil. Paytaxt merinin dəfələrlə istefaya göndəriləcəyi xəbəri yayılsa da, hər dəfə o öz postunu müxtəlif vasitələrlə qoruya bilib. Gah ölkə rəhbərliyini özünü asacağı ilə təhdid edib; hətta deyilənlərə görə, köməkçisi onu iş kabinetində özünü “asarkən” son anda qurtarıb və xilaskar elə bağırıb ki, bütün meriya məmurları hadisənin şahidi olublar. Ölkə rəhbərliyi də olayı bilib, təbii ki... Onun sonuncu dəfə kreslosu uğrunda çarpışmasının hətta ayaqlara düşüb yalvarmaq səviyyəsində olduğu söylənilir.
Lakin merin öz görəvini saxlamaq imkanları bitmiş kimi görünür. Artıq həmin görəvə yiyələnmək üçün klanlararası savaşın gücləndiyi barədə xəbərlər gəlməkdədir. Bununla belə, H.Abutalıbovun iş prinsipləri və korrupsiya yolu ilə sahib olduğu böyük maliyyəni ustalıqla gizlətməsi onu bir qərarla işdən götürməyi hələ ki riskli edir. Odur ki, bir neçə ildir Abutalıbovu müflisləşdirib sonra postundan uzaqlaşdırmaq planına start verilib. Müddət bu ilin sonunda bitir.
Bunu deyən qaynağımız iddia edir ki, bir neçə gün qabaq ortaya atılmış lift-işıqfor məsələsi də əslində meri çökdürmək və işdən atmaq planına xidmət edir. Daha dəqiqi, Abutalıbovdan nağd olaraq 10 milyon manatdan çox paranı büdcəyə ödəmək tələb olunur. Mer isə hər vasitə ilə “yuxarıları” inandırmaq istəyir ki, onda bu qədər var-dövlət yoxdur.
Bu yerdə xatırladaq ki, BŞİH başçısı postuna indiyədək prezidentin iqtisadi məsələlər üzrə müşaviri Əli Əsədovun və Gəncənin icra başçısı Eldar Əzizovun adları hallanıb. İndi isə posta daha bir iddialı şəxsin peyda olduğu deyilir. Bu da “A+A konstrakşn” şirkətinin Rauf (təəssüf ki, soyadını öyrənə bilmədik) adlı prezidentidir.
Əlavə edək ki, H.Abutalıbovun böyük maliyyəsinin əlindən alınması istiqamətində ilk addım “Əzizbəyov” metrostansiyası ətrafında yeni körpülərin onun öz vəsaiti hesabına inşa etdirilməsi olub. Həmin vaxt paytaxt meri bundan imtina etsə də, sonra körpülərin tikintisinə başlamalı olmuşdu. Ardınca BŞİH-də olduqca müəmmalı bir əməliyyat keçirilmişdi. Belə ki, qara maskalı şəxslər meriyanın binasına daxil olaraq oradakı bir çox mühüm sənədləri və deyilənlərə görə, külli miqdarda pul olan seyfi aparmışdılar.
Görünür, merin gəlirlərini dəqiq hesablayanlar Hacıbala müəllimin kölgədə hələ də parasının qalmasına əmindirlər.
|
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
|
|
|
|
|
| |
 SORĞU |
|
|
|
|
|
|
|
|
Eyni kateqoriyadan digər xəbərlər
