| |
 Geri |
|
| |
 |
Siyavuş Novruzov cavabını aldı
18.11.2008 21:02:42
Liviya səfirliyi Siyavuş Novruzovun, “İordaniya neftlə zəngin ölkədir, amma xalqı acından ölür, prezidenti çadırda yaşayır” sitatına cavab verdi |
|
| |
Liviyanın ölkəmizdəki səfirliyinin məktubu. Məktubu olduğu kimi oxucuların diqqətinə çatdırırıq: “13 noyabr 2008 ci il tarixdə ”Yeni Müsavat\" qəzeti parlamentin iclasında büdcə layihəsinin müzakirəsi zamanı cənab Siyavuş Novruzovdan sitat gətirib: “İordaniya neftlə zəngin ölkədir, amma xalqı acından ölür, prezidenti çadırda yaşayır”. Qəzet isə (yəqin ki, parlament müxbiri nəzərdə tutulur - red.) cənab Novruzovun liderləri səhv saldığını və Novruzovun məqsədinin Liviya olduğunu bildirir.
Birincisi, cənab Novruzovun sözlərindən təəccüblənir və təəssüf edirik. Belə ki, parlamentin və Yeni Azərbaycan Partiyasının üzvünün iki İslam ölkəsini - biri Asiya qitəsində, digəri isə Afrika qitəsində yerləşən ölkələri bir- birindən ayıra bilməməsi onun dünya coğrafiyasını, Liviyanın harada yerləşdiyini yaxşı bilməməsinə dəlalət edir.
İkincisi, neflə zəngin olan ölkə ilə başqa ölkəni dəyişik salan şəxs bu məlumatları nəyə əsasən deyir, bu məlumatlar onda hardandır? Bu isə şəxsin məlumatları İslama qarşı yönəlmiş kütləvi informasiya vasitələrindən dəqiqləşdirmədən əldə etməsidir.
Əlavə olaraq bildiririk ki, şəxsin dediyi sözlər Liviya kimi İslam ölkəsinin Böyük Fateh İnqilabından sonra əldə etdiyi nailəyyətlərlə üst-üstə düşmür. Bu yerdə nailiyyətləri qeyd etmək istəmirik. Həmçinin bildirmək istəyirik ki, yuxarıda adıçəkilən şəxs rəhbər Müəmmər Əl-Qəzzafinin uzun zamandan bəri xalqı öz sərvətinə yiyələnməyə çağırdığından və bu günlər liviyalıların sərvətin necə bölünməsi və paylanması haqqında müzakirələr apardığından, sözügedən mövzunun gələn ilin əvvəllərində gerçəkləşəcəyindən bixəbərdir.
Həmçinin adıçəkilən şəxsin nəzərinə çatdırmaq istəyirik ki, rəhbərin yaşadığı çadır bir simvoldur və əksər dövlətlərin xalqları həmin çadırla fəxr edirlər. Həmin çadır bir neçə ölkənin paytaxtlarında qurulub. Axırıncısı Fransada Yelisey sarayının qarşısında və Ukraynada qurulub. Bunu Qərbin kütləvi informasiya vasitələri və İslama qarşı yönəlmiş dövlətlər yaxşı bilirlər. Lakin heç biri cürət edib cənab Novruzovun dediyi sözləri deməmişlər. Çünki onlar Liviya xalqına hörmət edir və liviyalıların necə yaşadıqlarını yaxşı bilirlər.
Müsəlman bir şəxsin, Yeni Azərbaycan Partiyasının üzvünün Liviya haqqında məsuliyyətsiz söz deməsi ayıb deyilmi? Liviya Azərbaycanı özünə dost və qardaş ölkə hesab edir. Azərbaycan müstəqillik əldə etdiyi gündən ölkələri bir-birinə bağlayan güclü əlaqələr yaranıb. Bu əlaqələrin qurulması mərhum Heydər Əliyev, bu gün isə prezident İlham Əliyevin səyləri nəticəsində yaranıb\".
|
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
|
|
|
|
|
| |
 SORĞU |
|
|
|
|
|
|
|
|
Eyni kateqoriyadan digər xəbərlər
