| |
 Geri |
|
| |
 |
Faşist lider Yorq Hayder öldü
11.10.2008 17:17:05
Məşhur avstriyalı siyasətçi, Avstriya faşistlərinin lideri, Karantiya torpağının qubernatoru Yorq Hayder avtomobil qəzasında həlak olub. |
|
| |
Qəza oktyabrın 11-də səhər tezdən baş verib.
58 yaşlı Hayder xidməti maşınını özü idarə edirmiş. Avtomobil naməlum səbəbdən yoldan çıxaraq bir neçə dəfə çevrilib. Siyasətçi aşından və sinəsindən ağır yaralanaraq hadisədən az sonra ölüb.
Yorq Hayderin siyasi fəaliyyəti həm Avstriyada, həm də xaricdə birmənalı qarşılanmırdı. O, mühacirlərin əleyhinə olsa da, Türkiyənin Avropa Birliyinə qəbul edilməsini dəstəkləyirdi. Hayderin valideynlərinin nasist partiyasının üzvü olduqları bildirilirdi. Lakin xüsusi araşdırma onların heç bir cinayətini sübut edə bilməyib.
Hayder siyasi fəaliyyətinə Avstriya Azadlıq Partiyasının sıravi üzvü kimi başlayıb. 1976-cı ildə Karantiya torpağında regional şöbənin rəhbəri, 1979-cu ildə isə federal parlamentin üzvü seçilib. 1986-cı ildə isə partiyanın lideri olub. 1991-ci ildə nasist Almaniyasının sosial siyasətini tərifləyəndən sonra Karantiya qubernatoru postundan istefa verməyə məcbur olub. Onun bəyanatı nasizmə bəraət qazandırmaq cəhdi kimi qəbul olunub. Amma 1999 və 2004-cü illərdə yenidən Karantiya qubernatoru seçilib.
1999-cu ildə Hayderin başçılıq etdiyi Azadlıq Partiyası parlament seçkilərində böyük uğur qazanaraq ikinci yeri tutub və 2000-ci ildə koalisiya hökumətinin tərkibinə daxil olub. Bu, bütün dünyada, ilk növbədə Avropa Birliyində qalmaqala gətirib çıxarıb. Hayder partiya liderliyindən istefaya getsə də, AB üzvü olan 14 ölkə Avstriya ilə münasibətləri məhdudlaşdırıblar.
Yorq Hayder 2005-ci ildə yeni partiya təsis edib. Avstriyanın gələcəyi uğrunda Birlik bu ilin sentyabrında keçirilən parlament seçkilərində uğur qazanaraq 4-cü yeri tutub. Lakin onun partiyasının koalisiya hökumətinə daxil olmaq şansları yoxdur.
|
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
|
|
|
|
|
| |
 SORĞU |
|
|
|
|
|
|
|
|
Eyni kateqoriyadan digər xəbərlər
