| |
Ötən əsrin əvvəllərində qan xəstəliklərinin yaranmasında əsas səbəb qan qohumluğu göstərilirdisə, müasir dövrdə bu amil faktorlardan biri hesab olunur. Həyatları sözün əsl mənasında bir damla qandan asılı olan qan xəstələrinin əsas baiskarlarısa qeyri - adi səslənsə də, elə onların öz valideynləridir. Qan xəstələrinin birdəfəlik müalicəsi olmasa da bunu əməliyyat yolu ilə aradan qaldırmaq mümkündür. Əməliyyatınsa müsbət nəticələnəcəyini qabaqcadan demək çətindir. Həkimlər yeganə çıxış yolunu nigahdan əvvəl müayinədə görür və artıq tam əminliklə bildirirlər ki, hətta qohum olmayan qan xəstəliklərinin daşıyıcısı olan iki şəxsin ailəsində dünyaya gələn körpə potensial qan xəstəsidir. Xəstəliyin yayılma episentri də müəyyən edilib. Həkimlərin dediyinə görə, Şəki, Zaqatala, Qax, Lənkəran, Astara, Gəncə, Qəbələ, Oğuz rayonlarından müraciət edənlərin əksəriyyətinə bu diaqnoz qoyulur. Aşkar olunan qan xəstələrinin sayı respublika əhalisinin 10 faizini təşkil edir. Daşıyıcıların sayı isə qeyri müəyyəndir. Bu xəstəliyin yayılma tempinin qarşısını almaqsa mümkün deyil. Yeganə çıxış yolu könüllü müayinədir. Ancaq qanunvericilik də müayinə könüllülük əsasındadır. Bəli bir damla qan bu uşaqlar üçün həyat deməkdir. İndi onların valideynləri bu bir damla qanı hər ay əlbəəl gəzirlər. Amma vaxtında bu bir damla qanların qovuşmasından əvvəl müayinədən keçsəydilər xəstəxana bu uşaqların evinə çevrilməzdi. Odur ki, evlənməmişdən qabaq müayinə olunun, gələcəyimizi nadanlığa qurban verməyin.
|
Geri
Eyni kateqoriyadan digər xəbərlər
