| |
 Geri |
|
| |
|
Müxalifət Saakaşviliyə etiraz edir
22.05.2008 14:10:41
Gürcüstanda növbəti inqilab dalğası hiss edilir. |
|
| |
Müxalifət növbəti dəfə hakimiyyətin saxtakarlığa əl atdığını bildirir və bəyan edir ki gürcü xalqı parlamentdə müxalifəti görmək istəyir. Gürcüstanın hakim Vahid Milli Hərəkat partiyası ötən gün səsvermədə səslərin 64 faizini qazana bildi. Birləşmiş müxalifət isə 14,29 faiz səs toplamaqla kifayətlənib. Mərkəzi Seçki Komissiyası 681 məntəqədə səsvermə nəticələrini öyrəndikdən sonra belə bir məlumat yayıb. MSK-nın məlumatına görə seçkiyə qatılan 8 partiya 5 faizlik baryeri aşa bilib. Ekzit polun nəticələrində də hakim partiya qalibdir. MSK həmçinin 13 seçki dairəsində səsvermə nəticələrini tanımayıb. Söhbət Qori, Marneuli, Qardabani, Xelvaçauri Mçxeta, Saraqedjo rayonlarından gedir. Seçkinin yekun nəticəsi isə səsvermədən 18 gün sonra açıqlanacaq. Bir sıra QHT-lər də MSK-ilə paralel olaraq səslərin hesablanması ilə məşğuldur. Bu səhər xalqa müraciət edən Mixail Saakaşvili seçkilərdə fəal olduğu üçün gürcü millətinə təşəkkür edib. Saakaşvili iqtidarın müxalifətlə əməkdaşlığa hazır olduğunu bildirib. O, dövlətin idarə olunmasında müxalifətə real rıçaqlar təklif etməyə hazır olduğunu da bəyan edib. Müxalifət isə MSK-nın açıqladığı nəticələrlə razı deyil. Ötən gün axşamdan etiraz aksiyalarına əl atan müxalifətin öz rəqəmləri var. Onlar belə hesab edir ki, birləşmiş müxalifət bloku seçkidə 33 faiz, hakim partiya isə 30 faiz səs toplayıb. Müxalifətin aksiyalarında artıq 3 minə yaxın insan iştirak edir. Bu gün parlament binası qarşısına toplaşacaq müxalifət Saakaşvili rejiminə etiraz edəcək. Bu arada Gürcüstan daxili işlər nazirliyi MDB İcrayə Komitəsinə gürcü abxaz sərhədindən Rusiyaya məxsus silahlı qüvvələrin çıxarılması notasını ünvanlayıb. Notada deyilir ki, son günlər sərhəd ərazidə daha sox silahlı qüvvə və hərbi texnika yerləşdirilib. Bu isə müvafiq qərarların pozulması deməkdir. |
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
Eyni kateqoriyadan digər xəbərlər
