| |
Rusiya paytaxtında təşkil edilən “Moscow Open-2008” şahmat festivalı başa çatıb.
Festivalın nüfuzlu A turnirində çıxış edən həmyerlilərimiz uğursuzluqla üzləşiblər. Şahmatçılarımızdan ən yaxşı nəticəni 5,5 xalla 59-cu yeri tutan Qədir Hüseynov göstərib. Yeniyetmələr arasında Avropa və dünya çempionu Eltac Səfərli və Rüfət Bağırov da hərəyə 5,5 xal toplayıblar və müvafiq olaraq 75-ci və 79-cu pillədə qərarlaşıblar. Cahangir Ağarəhimov 4 xalla 147-ci, Nicat Abbasov 4 xalla 203-cü, Alim Səmədov 2 xalla 282-ci sırada yer alıb. Qadınların yarışdığı C turnirindəki yeganə təmsilçimiz Viktoriya Avdeyeva da uğursuz çıxış edib. Doqquz oyundan 4,5 xal qazanan həmyerlimiz 71-ci olub. |
Geri
Eyni kateqoriyadan digər xəbərlər
