| |
 Geri |
|
| |
 |
Qiymətlərin bahalaşması ölkədə infilyasiyanı artıra bilər
22.05.2008 09:35:00
Qubad İbadoğlu: “İqtisadiyyatın qanununa görə bazarlar qarşılıqlı işləyir, bir bazarda qiymət artımı digərində də bahalaşmaya səbəb olur” |
|
| |
Gələn il metroda gediş haqlarının bir neçə dəfə qaldırılmasına razılıq vermək yolverilməzdir. Ekspertlər bildirir ki, metroda gediş haqqının artırılması inflyasiyanın səviyyəsini yüksəldəcək.
“Bu gün ölkədə ərzaq bahalaşmasının getdiyi bir şəraitdə, eyni zamanda əhalinin xərclərinin artdığı bir vəziyyətdə və xüsusilə gəlirlərin ehtiyatlı və dondurulmuş siyasətinə üstünlük verdiyimiz halda metroda gediş haqqının bu qədər artırılmasını bir iqtisadçı kimi əsaslı hesab etmirəm” – deyə iqtisadçi-ekspert Qubad İbadoğlu bildirib.
İqtisadçı deyir ki, metroda gediş haqqının artırılması yalnız inflyasiyaya deyil, başqa problemlərə də gətirib çıxaracaq. Məsələn, metrodan istifadə edən əhalinin bir qismi ictimai nəqliyyata müraciət edəcək. Bu da avtobuslarda basabasların yaranmasına və nəqliyyat vasitələrinin sayının artırılmasına gətirib çıxaracaq. Bu isə öz növbəsində şəhərdəki tıxac problemini daha da gərginləşdirəcək. Digər tərəfdən iqtisadiyyatın qanununa görə, bazarlar qarşılıqlı işləyir. Bir bazarda qiymət artımı digərində də bahalaşmaya səbəb olur.
“Hazırda əhalinin istehlak xərclərində əsas yeri ərzaq xərcləri tutursa, ancaq ərzaq xərclərindən sonra 2-ci böyük paya nəqliyyat xərcləri daxildir. Bu zəncirvari reaksiyaya gətirib çıxara bilər. Söhbət yalnız Bakı şəhərində daxili nəqliyyatlarda qiymət bahalaşmasından getmir, eyni zamanda rayonlar arası nəqliyyat vasitələrinin qiymətlərinin bahalaşmasına rəvac verə bilər və bu proses dəmir yol nəqliyyatında da qiymət bahalaşmasına gətirib çıxaracaq” – deyə Qubad İbadoğlu əlavə edib.
Nəqliyyat Nazirliyində isə bildirdilər ki, avtobus və marşrutlarda qiymət artımı gözlənilmir. Şəhərdə tıxacların qarşısını almaq üçün isə iritutumlu avtobusların sayının artırılması nəzərdə tutulub. Bu məqsədlə Bakıya daha 300 iritutumlu avtobusun gətirilməsi üçün yenidən müqavilə imzalanıb. |
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
|
|
|
|
|
| |
 SORĞU |
|
|
|
|
|
|
|
|
Eyni kateqoriyadan digər xəbərlər
