| |
 Geri |
|
| |
|
Mətbuat Şurası monitorinqin nəticələrini açıqlayıb
22.05.2008 14:40:10
Azərbaycan Mətbuat Şurası aprel ayında keçirdiyi monitorinqin nəticələrini açıqlayıb |
|
| |
Azərbaycan Mətbuat Şurası mətbuatda ümumi tendensiyaları müəyyənləşdirmək məqsədilə aprel ayında keçirdiyi monitorinqin nəticələri açıqlanıb. Şuradan APA-ya verilən məlumata görə, monitorinq üç istiqamət - materialların mövzu dairəsi, informasiyaların alınma mənbələri, «Azərbaycan Jurnalistlərinin Peşə Davranışı Qaydaları»nın pozulması hallarının təsnifatı üzrə aparılıb.
Monitorinq nəticəsində məlum olub ki, apreldə ölkə KİV-ində gedən materialların ümumi sayı ötən ayla müqayisədə artıb. Artım əsasən KİV-lə bağlı və sosial-iqtisadi xarakterli materialların çoxluğu hesabınadır. Ötən ay monitorinqi aparılan qəzetlərdə ümumilikdə 49508 material dərc edilib. Bu, martla müqayisədə 16525 material çoxdur. Monitorinqi aparılan qəzetlər ötən ayın birinci yarısına qədər daha çox KİV-lə bağlı, ikinci yarısında isə sosial və iqtisadi mövzuda materialların dərcinə üstünlük verib.
Qeyd edilib ki, «Azadlıq» qəzetinin müxbiri Aqil Xəlilovla bağlı olay siyasi materialların həm say göstəricisinə, həm də məzmununa və janrına, keyfiyyətinə təsir göstərmək baxımından diqqət çəkib: “İqtidar-müxalifət münasibətləri ilə bağlı məqamların kəskin formada KİV-də işıqlandırılmasında, habelə hansısa KİV-in sırf siyasi mövqedən çıxışı kimi tendensiyaların özünü mart ayına nisbətdə daha qabarıq formada təzahür etdirməsində bu hadisənin rolu böyük olub. Mövcud meyl peşə prinsiplərinin pozulması hallarının çoxluğunu da şərtləndirib”.
Martda KİV-də dərc olunan 29983 materialdan 18542-i xəbər olubsa, apreldə bu nisbət 49508-in 27458-dır. Ötən ay da KİV-in bir-birilərinin materiallarından bəhrələnməsi praktikası davam edib. Belə materialların sayı 9562-dir. Qəzetlər informasiya agentliklərinin məlumatlarından da geniş istifadə etməkdədir.
Apreldə mənbənin göstərilməməsi, gizli mənbəyə istinad halları ilin əvvəlindən bəri ən yüksək göstəriciyə çatıb - 135. Monitorinq zamanı “Ekspress” və «Şərq» qəzetlərinin ən çox xəbər dərc etdiyi bəlli olub. Monitorinqi aparılan qəzetlər aprel ayı ərzində «Azərbaycan Jurnalistlərinin Peşə Davranışı Qaydaları»nın müxtəlif bəndlərini ümumilikdə 329 dəfə pozub. Apreldə qəzetlər ən çox AJPDQ-nın «həqiqətə xidmət, dəqiqlik və obyektivlik» adlı 1-ci prinsipinə sayğısızlıq göstərib. Bununla bağlı 159 fakt qeydə alınıb. |
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
|
|
|
|
|
| |
 SORĞU |
|
|
|
|
|
|
|
|
Eyni kateqoriyadan digər xəbərlər
