| |
Azərbaycan Milli Bankı (AMB) dövriyyədə olan milli valyuta əsginaslarının maksimal nominalını yaxın perspektivdə artıra bilər.
AMB-nin İdarə Heyətinin sədri Elman Rüstəmov: «Dövriyyədə olan pulun nominal strukturuna tələb dəyişir. Biz bu prosesi izləyirik və tam şəkildə texniki baxımdan bu prosesə hazırıq. Müəyyən mərhələdə bu işə gedəcəyik».
Lakin E.Rüstəmov bu prosesin cari ildə reallaşcağına inanmadığını vurğulayıb: «İnanmıram ki, bu il baş verəcək. İlk növbədə söhbət 200 manatlıq əsginasın dövriyyəyə buraxılmasından gedir. Biz görürük ki, 50-100 manatlıqlara tələbat artır».
Xatırladaq ki, Azərbaycan milli valyutasının 1:5000 miqyasında denominasiyası çərçivəsində 2006-cı ilin əvvəlindən ölkədə nağd hesablaşmalar yalnız yeni sikkə və əsginaslarla aparılır. Sikkələrin nominalı 1, 3, 5, 10, 20 və 50 qəpik, əsginasların nominalı isə 1, 5, 10, 20, 50 və 100 manata bərabərdir.
|
Geri
Eyni kateqoriyadan digər xəbərlər
