| |
Ali məktəblərin magistratura pilləsinə qəbul imtahanı iyunun son ongünlüyündə keçiriləcək. Sənəd qəbuluna isə gələn ayın əvvəli start veriləcək. Bu il magistraturaya qəbul qaydalarında bəzi dəyişikliklər tətbiq olunacaq. Müəyyən ixtisaslar üzrə imtahan verənlər əvvəlki illərdə olduğu kimi test üsulu ilə deyil, suallara yazılı şəkildə cavab verəcək.
TQDK-nın sektor müdiri Natiq Əliyevin sözlərinə görə, əvəllər jurnalistika, filalogiya fakültələrinin tələbələri esse yazırdılarsa, bu il təcrübə bir az da artırılacaq. Belə ki, tərcüməçilərin də test suallarının əvəzinə verilmiş mətni təhsil aldığı dildən, yəni Azərbaycan və ya rus dilindən ixtisaslaşma dilinə tərcümə etmək tələb ediləcək. Bunun əsasında onların ixtisas bilikləri qiymətləndiriləcək.
Bu il magistratura pilləsində bakalavrların ixtisas seçimi keçən ilkinə nisbətən genişləndirilib. Natiq Əliyev bildirib ki, əvvəllər 5-dək ixtisas seçirdilərsə, indi bu seçim 10 olacaq.
«Bu il magistratura dərəcəsində ixtisaslar sırasına yeniləri də əlavə olunub. Texnologiyanın və bazar iqtisadiyyatının inkişafı ilə əlaqəli olan yeni ixtisaslardan optik rabitə fizikası, nano texnologiyaları ilə, iqtisadiyyat üzrə milli hesablar sistemi ilə bağlı yeni ixtisasların salınacağı da nəzərə tutulur». |
Geri
Eyni kateqoriyadan digər xəbərlər
