| |
ATƏT-in Minsk qrupunun keçmiş rusiyalı həmsədri Vladimir Kazimirov hesab edir ki, problemin həlli yalnız Azərbaycanın Dağlıq Qarabağı münaqişə tərəfi kimi tanınmasından sonra mümkündür
ATƏT-in Minsk Qrupunun keçmiş həmsədri, rusiyalı diplomat Vladimir Kazimirov «Konvent 2008» konfransının 5-ci yubiley toplantısında çıxış edərkən bildirib ki, «Azərbaycan Dağlıq Qarabağı münaqişə tərəfi kimi tanısa, bu, problemin həllində təkan olacaq». Onun sözlərinə görə, hətta Saakaşvili, öz qəribəliklərinə baxmayaraq, Abxaziya və Cənubi Osetiyanı münaqişə tərəfi kimi tanıyırdı.
Vladimir Kazimirovun fikrincə, Cənubi Osetiya ətrafında yaranmış vəziyyətdən çıxarılan ilk nəticə belədir ki, Rusiya Dağlıq Qarabağda gücdən istifadə etməməyə dair razılığın əldə olunmasında israr etməlidir. «Azərbaycanda müharibə əhval-ruhiyyəsində verilən bəyanatları «eşitməmək» olmaz. Bu, psixikanı yararsız hala salan böyük sistemdir».
Konfransda çıxış edən Rusiya Erməniləri Birliyinin vitse-prezidenti Gegam Xalatyan isə bildirib ki, Dağlıq Qarabağ problemindən çıxış yolu axtararkən SSRİ-dən bəri mövcud olan bəzi məqamlar yadda saxlanılmadır: «Biz SSRİ-nin institutlarını, onun ərazi bölgüsünü, daxili sərhədlərini, o cümlədən də Dağlıq Qarabağın Azərbaycanın tərkibinə daxil edilməsinə hörmətlə yanaşırıq, lakin SSRİ-nin konstitusiyasını da yaddan çıxarmaq lazım deyil. Orada dəqiq yazılıb ki, muxtar respublikaların statusu, ölkə dağıldığı təqdirdə, referendum vasitəsilə müəyyən edilməlidir».
|
Geri
Eyni kateqoriyadan digər xəbərlər
