| |
Martın 7-də axşam saatlarında İsraildə qanlı terror aktı baş verib. Terrorçular bu dəfə orta məktəb binasını hədəf seçib. Saat 20:40 radələrində iki ərəb əsilli şəxs Qüdsün Kiryat-Moşe rayonunda yerləşən, əsasən dindar yəhudilərin təhsil aldığı «Mərkəz-Harav» məktəbinə daxil olaraq «Kalaşnikov» avtomatı ilə sağa-sola atəş açıb. 10 dəqiqə güllə yağdırdıqdan sonra silahlılar hadisə yerinə gələn polis tərəfindən qətlə yetirilib. Terror aktı haqqında ilkin məlumatlar belə idi. Lakin polisin araşdırmaları məlumatlara dəqiqlik gətirdi. Məlum oldu ki, məktəbə 2 yox 1 terrorçu basqın edib. Şərqi Qüds sakini, İsrail vətəndaşı olan Əhməd Məhəmməd Xatib terror aktını həyata keçirib. Şahidlərinin sözlərinə görə, silahlı heç bir maneəyə rast gəlmədən, binaya daxil olub. Qüds şəhərinin meri Uri Lupolianski və digər rəsmi şəxslər hadisə yerinə baş çəkiblər. Dövlət rəsmiləri, Ortodoksal yəhudilərin əksəriyyət təşkil etdiyi kiryat-moşe sakinlərinin etiraz şüarları ilə qarşılandı. Sakinlər hökumətin silahlı qruplaşmalar qarşısında acizliyindən narazıdır. Terror aktına görə, məsuliyyəti «Qalileyin azadlıq briqadası» qruplaşması öz üzərinə götürüb. Qruplaşma bəyan edib ki, terror aktı İsrailin qəza sektorunda keçirdiyi hərbi əməliyyatlara cavabdır.
|
Geri
Eyni kateqoriyadan digər xəbərlər
