| |
Bu gün Ermənistanın paytaxtı İrəvanda «Qafqaz-2008» beynəlxalq konfransı işinə başlayıb. Açılış mərasimində çıxış edən Qafqaz Media İnstitutunun direktoru Aleksandr İskəndaryanın sözlərinə görə, iki günlük konfransda ötən il Qafqaz regionunda gedən proseslər barədə müzakirələr olacaq.
Azərbaycandan tədbirdə «Üçüncü baxış» analitik informasiya agentliyinin redaktoru Rauf Rəcəbov iştirak edir. Bu barədə Ermənistanın Novosti Armeniya agentliyi məlumat yayıb.
Qeyd edək ki, konfransda Ermənistan və Azərbaycandan əlavə, Rusiya, Türkiyə və Polşadan olan analitiklər və ekspertlər də iştirak edir.
«Qafqaz-2008» adlı konfransda «2007-ci ildə Cənubi Qafqazda əsas tendesiyalar», «Cənubi Qafqazda tanınımamaş dövlətlər», «2007-ci ildə Cənubi Qafqaz ölkələrinin sosial- iqtisadi nəticələri», «2007-ci ildə Türkiyənin Qafqazla əlaqədar siyasəti», «Rusiyanın Şimali və Cənubi Qafqazda siyasəti», «Qərb və Qafqaz regionu» və «Qafqazdakı münaqişələr və Kosovo presedenti» mövzularında hesabatlar dinləniləcək.
Konfransın təşkilatçıları Qafqaz Media İnstitutu, «Avroasiya əməkdaşlıq» fondu, İsveçrənin SDC fondu, eləcədə Henrix Belya fondudur. |
Geri
Eyni kateqoriyadan digər xəbərlər
