| |
«Ermənilər- mif və həqiqət» adlı sənədli film montaj və səsləndirmə mərhələsindədir.
«Azərbaycantelefilm» Yaradıcılıq Birliyində «Ermənilər- mif və həqiqət» adlı sənədli film istehsalata buraxılıb. Erməni vandalizminin dünya ictimayətinə çatdırılması və bəzi gizli qalmış məqamların açılması məqsədini daşıyan filmin çəkilişləri artıq başa çatıb. 31 mart azərbaycanlıların soyqırımına həsr olunmuş filmin rejissoru və ssenari müəllifi Nazim Rzadır. Bu barədə Nazim Rza özü məlumat verib. O bildirib ki, rejisosor ssenarist olmaqla yanaşı, həm də araşdırmaçıdır: «Məqsədim odur ki, bu hadisələri lap əvvəldən, ibtidai dövrdən başlayaraq insanların, dünyasını dəyişmiş simaların dedikləri əsasında filmi tamaşaçıların ixtiyarına verim».
Xroniki sənədli filmdə rejissorun şəxsi araşdırmaları ilə yanaşı, müxtəlif dövrlərdə çap olunmuş sənədlərdəki faktlar da öz əksini tapacaq. Yeni ekran əsərinin lentə alınması Azərbaycanla yanaşı, Gürcüstan və Türkiyədə aparılıb. Hazırda «Ermənilər- mif və həqiqət» filmi montaj və səsləndirmə mərhələsindədir. Fevralın 15-də bütün işləri tamamlanacaq film tamaşaçı ixtiyarına bu ilin yay aylarında təqdim ediləcək. |
Geri
Eyni kateqoriyadan digər xəbərlər
