| |
Deputat Yosef Şaqal bildirib ki, yalnız populistlər İsrail parlamentində erməni soyqırımı məsələsinə baxılmasına israr edə bilərlər.
Aprelin 1-də İsrail parlamentinin işlər üzrə komissiyasının iclasında erməni soyqırımı məsələsi ciddi qalmaqala səbəb olub.
Məsələyə hansı komissiyada baxılacağı müzakirə olunduğu iclasda erməni soyqırımı məsələsini qaldırmış deputat Zeev Elkinlə deputat Yosef Şaqal arasında kəskin müsahibə olub.
Yosef Şaqal bildirib ki, yalnız populistlər İsrail parlamentində erməni soyqırımı məsələsinə baxılmasına israr edə bilərlər. Şaqal bildirib: «İsrail-Ermənistan parlamentlərarası qrupun sədri kimi Elkin keçən həftə İsrail tərəfindən erməni soyqırımı məsələsini qəbul edilməsi barədə təşəbbüs qaldırıb. İsrail dövləti 60 ildir ki, tamamilə bitərəf mövqe tutaraq, bu mövzudan uzaq durur. Mən bu cənablara başa sala bilmirəm ki, özünüz də bildiyiniz bir sıra səbəblər üzündən bu məsələni heç vaxt qaldırmaq olmaz və indiyə kimi heç kim də qaldıra bilməyib. Amma siz özünüz üçün əlverişli vaxt seçibsiniz, parlamentdə iclasın sonu olub və Knessetdə 10-11 adam qalıbmış, onları da öz tərəfinizə çəkə bilibsiniz».
Xatırladaq ki, martın 26-da İsrail Knesseti tarixində ilk dəfə olaraq erməni soyqırımı məsələsinə komissiyaların birində müzakirə edilməsi barədə qərar çıxarıb. Onda deputat Zeev Elkin bu məsələyə təhsil və mədəniyyət komissiyasında baxılmasını təklif etmişdi.
Yosef Şaqal isə məsələyə xarici siyasət və müdafiə komissiyasında baxmağı təklif edib.
|
Geri
Eyni kateqoriyadan digər xəbərlər
