| |
Bu gecə bütün diqqətlər yenidən Serbiyanın paytaxtına yönələcək. Belqrada bu gün «Evrovision» musiqi yarışmasının ikinci yarımfinalı keçiriləcək. Yenə 19 ölkə arasından 10 finalçı ölkə müəyyənləşməlidir. Azərbaycan tamaşaçıları ikinci yarımfinalda olan iştirakçılara səs verə bilməyəcək. Müsabiqənin şərtlərinə görə, ölkələr yalnız öz qrupunda olan iştirakçıları dəstəkləyə bilər. Lakin bu şərt finala aid deyil. Qeyd edək ki, Azərbaycan təmsilçilərinin də yer aldığı final mayın 24-də baş tutacaq. |