 |
||||||||||||||||||||||||||||||||
 |
|
|||||||||||||||||||||||||||||||
|
||||||||||||||||||||||||||||||||
|
||||||||||||||||||||||||||||||||
 | |
 | |
 |
 Geri |
|
||||||||||||||||||||||||
| Bu, qədərdir, qaçmaq olmaz 22.05.2008 17:35:34 Min illərin mövzusundan danışaq, taledən, qəzavü-qədərdən. Hər kəs doğulanda bir yazı ilə doğulur, hər yazı bir ömrün xəritəsidir. Bizə bəlli olmayan, ağlımıza gəlməyən yollardan keçib, ölüm adlı bir sonluğa doğru gedirik. Bəzən fərqli davranırıq, özümüzə, sözümüzə yaraşmayan, uyuşmayan işlər görürük və elə düşünürük ki, çaşdırdıq taleyi. Amma ağlımıza da gəlmir ki, elə o çaşqınlıq da bizim taleyimiz imiş. Hər kəs alnındakını, qismətindəkini yaşayır. Kimsə o xətdən çıxmadı, çıxa da bilməz. O qədər söhbətlər var, o qədər maraqlı məsələlər var bu mövzuda ki, düşündükcə düşünürsən. Biz də həmin misallardan birisini danışmaq istəyirik sizlərə. |
|||||||||||||||||||||||||
| Bir nəfər təlaşla, həyəcan içində özünü Süleyman Peyğəmbərin (ə.s.) hüzuruna yetirir. Tir-tir titrəyirdi, sifətinin rəngi qaçmış, dodaqları qurumuşdu. Elə bil aslan ağzından qurtarmışdı. Həzrəti Süleyman: - Bu nə haldır, nə olub sənə? - soruşur. Adam da həyəcan içində, təntiyərək belə cavab verir: - Əzrail qarşıma çıxdı, mənə çox qəribə, bir qədər də qəzəblə baxdı. Elə baxdı ki, bütün vücudum qorxudan tir-tir titrədi. Dayanmadan qaçıb sənin yanına gəlmişəm. Həzrəti Süleyman soruşdu: - Yaxşı, bəs məndən nə istəyirsən? Adam belə dedi: - Sən adil padşahsan, küləyə əmr elə ki, məni Hindistanın uzaq bir adasına aparsın. Bəlkə, orada Əzraildən canımı qurtaram. Həzrəti Süleyman onun xahişini yerinə yetirdi və külək o adamı götürüb Hindistanın uzaq bir adasına apardı. Növbəti gün Həzrəti Süleyman şikayətçiləri qəbul edərkən Həzrəti Əzraili gördü və ondan soruşdu ki, dünən o adama niyə elə qəzəblə baxıb. Həzrəti Əzrail belə dedi: - Ey Allahın şanı, Uca Peyğəmbəri, mən o adama qəzəblə baxmadım. Sadəcə, onu görəndə çox təəccübləndim. Çünki Cənabi-Allah mənə belə əmr etmişdi: “Get filan qulumun canını Hindistandakı filan adada al”. Mən də onu burada görəndə heyrətə düşdüm ki, bu adamın yüz qanadı olsa da, yenə bu gün Hindistana yetişə bilməz. Ona görə də çox təəccüblənmişdim. Amma Allah-Təalanın mənə buyurduğu həmin adaya getdim, adamı orada tapdım və canını aldım. Hə, oxucu dostum, qədərdən qaçmaq olmur. O qaçmağın özü elə qədərin bir naxışı imiş. Zaman |
|||||||||||||||||||||||||
|
|||||||||||||||||||||||||
Eyni kateqoriyadan digər xəbərlər
| ||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||
| |
Deyirdim ki, bu quruluş dağılacaq! Copyright © 2006-2007 azerxeber.com. Bütün hüquqlar qorunur. İcazəsiz və mənbə göstərilmədən yayımlana bilməz. |