| |
 Geri |
|
| |
 |
Bir gecəlik ana
24.12.2007 01:17:34
Kimsəsiz dul bir qadın beşyaşlı qızını da yanına alıb, uzun bir yola çıxır. |
|
| |
Kimsəsiz dul bir qadın beşyaşlı qızını da yanına alıb, uzun bir yola çıxır. Xeyli getdikdən sonra yorulurlar. Dincəlmək üçün yolun kənarındakı böyük qovaq ağacının dibində otururlar. Başı göylərə dəyən qovaq ağacı dibində oturan ana-balanı görür və onların halına acıyır:
- Ah, kaş ki meyvəm olaydı, onlara verəydim. Təəssüf ki, kölgəm də çox deyil.
Ana ağacın bu ahını eşidir və deyir:
- Madam ki, bizim halımıza acıyırsan, bir gecəliyə qızımı qoynuna al, onu yırtıcı heyvanlardan qoru, sabah gəlib onu səndən alaram.
Qovaq bu təklifi məmnuniyyətlə qəbul edir. Bu vaxt ana nə düşünürsə yenidən dilə gəlir:
- Meyvən olmadığı üçün yəqin ki, səndə analıq hissi də olmaz. Yaxşı olar ki, mən öz qəlbimi də birgecəliyə sənə verim. Onsuz da anaların qəlbi övladlarının yanında döyünür. Sabah onları qızımla birlikdə səndən alaram. Qovaq bu təklifi də qəbul edir. Qızını və qəlbini ağaca əmanət edən ana isə oradan uzaqlaşır.
Səhərisi gün ana geri qayıdır və əmanətləri götürüb yoluna davam edir. Qovaq ağacı isə birgecəliyə də olsa, ana qəlbini daşıdığı üçün xeyli dəyişir. Hətta o qədər dəyişir ki, indi də qovaq ağacının yarpaqlarının həmin gündən sonra ürək kimi döyündüyünü, ana ürəyi kimi titrədiyini söyləyirlər...
|
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
Eyni kateqoriyadan digər xəbərlər
