| |
«Beynəlxalq təşkilatlar Dağlıq Qarabağ münaqişəsinə yanaşmasında ikili standartlara yol verirlər». Bunu Prezident Aparatının beynəlxalq əlaqələr şöbəsinin müdiri Novruz Məmmədov ANS TV-ə müsahibəsində deyib. Onun sözlərinə görə, bu təşkilatlar bir milyona yaxın qaçqını qoyub, etdiyi əmələ görə həbsdə olan jurnalistin taleyindən narahatlıq ifadə edirlər. «Mən başa düşə bilmirəm, bəzi Qərb dövlətlərin bütün səviyyədə nümayəndələri bir nəfərlə bağlı burada günlərlə görüşlər keçirir. Mətbuatda, televiziyalarda, başqa yerlərdə, forumlarda çıxış edirlər. Bir adamın taleyi ilə bağlı, bunun insan hüquqların pozulması kimi qiymətləndirirlər. Bəs Qarabağın ətrafında 7 rayonun 20 ilə qədər bir müddətdə işğal olunmasına onlar siyasi, diplomatik, hüquqi nöqteyi nəzərdən necə baxırlar?».
N. Məmmədov bildirib ki, bu ərazilərdə yaşamış 740 min nəfərin hüququ indiyə qədər pozulub və onlar çətin vəziyyətdə yaşayırlar. Novruz Məmmədov ədalətsiz mövqeyin uzun sürməyəcəyini və bir gün həmin haqsızlığın hərlənib belə mövqe göstərən dövlətin özünün üzərinə qayıdacağını deyib. |
Geri
Eyni kateqoriyadan digər xəbərlər
