| |
 Geri |
|
| |
|
Bakı-Tiflis-Axalkalaki-Qars dəmiryolunda tikinti işlərinə başlanacaq
22.05.2008 10:07:02
Bu barədə Dövlət Dəmir Yolu İdarəsindən məlumat verilib |
|
| |
«Bu ilin iyun ayında Bakı-Tiflis-Qars dəmir yolu layihəsi üzrə Gürcüstan ərazisində ilk 8 kilometrlik hissədə tikinti işlərinə başlanacaq». Bunu Azərbaycan Dövlət Dəmir Yolu İdarəsinin baş mühəndisi Qurban Nəzirov bildirib. Qurban Nəzirovun sözlərinə görə, hazırda Gürcüstan ərazisində 8 kilometrlik hissədə layihə işləri başa çatdırılıb və «Azərinşaatservis» şirkəti layihənin ekspertizadan keçməsi və təsdiq olunması üçün sənədləri «Gürcüstan Dəmir Yolları» Açıq Səhmdar Cəmiyyətinə təqdim edib.
Qeyd edək ki, Bakı-Tiflis-Qars dəmir yolunun tikintisi ilə bağlı Azərbaycan, Gürcüstan və türkiyə arasında yekun sənəd 2007-ci il fevralın 8-də Tiflisdə imzalanıb. Yeni dəmir yolunun tikinti işlərinə 2007-ci il noyabrın 21-də start verilib. Azərbaycan dəmiryolunun Gürcüstan ərazisinə düşən hissəsinin tikintisi üçün bu ölkənin «Marabda-Kartsaxi Dəmir Yolları» Məhdud Məsuliyyətli Cəmiyyətinə güzəştli şərtlərlə illik25 illiyə 200 milyon ABŞ dolları məbləğində kredit ayırıb. Bu vəsait hesabına Gürcüstan ərazisində 29 km uzunluğunda yeni yol, Türkiyə ilə sərhəddə təkər dəyişmə məntəqəsi tikiləcək, həmçinin köhnə yol rekonstruksiya olunacaq. Layihənin ümumi dəyəri isə 600 milyon dollardan artıqdır. Dəmir yolunun Gürcüstan hissəsinin tikintisini Azərbaycanın «Azərinşaatservis» şirkəti həyata keçirir. Dəmir yolunun 2011-ci ilin ortalarına qədər istifadəyə verilməsi planlaşdırılır.
Türkiyə ərazisində isə Gürcüstanla sərhəddən Qarsa qədər uzunluğu 76 km olan yeni dəmir yolu xətti tikiləcək. Bundan başqa, Azərbaycan Dövlət Dəmir Yolu İdarəsi Koreya dəmir yolu şəbəkəsinə Bakı-Böyük Kəsik dəmir yolu marşrutunda sürətli qatarlar üçün xəttin çəkilməsinə dair təkliflərini təqdim edib. Qurban Nəzirovun sözlərinə görə, ötən il Koreya tərəfi bu layihə ilə bağlı Azərbaycan Dövlət Dəmir Yoluna bir neçə variant təqdim edib və Azərbaycan tərəfi artıq bu variantlardan birini seçib.
Azərbaycan sürətli qatarlar üçün xəttin çəkilməsi layihəsinin 2008-2012-ci illəri əhatə edən Azərbaycan dəmir yollarının inkişafı proqramı çərçivəsində həyata keçirilməsini təklif edir. Qurban Nəzirov onu da qeyd edib ki, yeni xətt tikiləndən sonra qatarların sürəti 100-150 km/saat təşkil edəcək. |
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
|
|
|
|
|
| |
 SORĞU |
|
|
|
|
|
|
|
|
Eyni kateqoriyadan digər xəbərlər
