| |
 Geri |
|
| |
|
«Azərbaycanın 150-200 illik neft ehtiyatı var»
03.06.2008 23:55:08
Rövnəq Abdullayev: «Gələn il Türkiyənin İzmir şəhərində neft emalı zavodunun tikintisinə başlanılacaq» |
|
| |
Ötən il Türkiyənin «Petkim» şirkəti ilə bağlı tender elan olunandan sonra Azərbaycan Dövlən Neft Şirkəti Türkiyənin kimya sənayesində və enerji daşıyıcıları sahəsində yer tutmaq qərarına gəlib. Bunu Dövlət Neft Şirkətinin prezidenti Rövnəq Abdullayev ANS TV-də «Hesabat Mirşahinlə» verilişinə müsahibəsində deyib. Onun sözlərinə görə, «Petkim», bu işdə ilk həlqə rolunu oynayır: «Artıq «Petkim» şirkəti ADNŞ-nin nəzarətindədir. Bu şirkət Türkiyə bazarının kimya məhsullarına olan tələbatının 25 faizini ödəyir. Gələcəkdə bu ölkədə kimya sənayesin inkişaf etdikcə, bu rəqəm 14-15 faizə düşəcək. Bununla bağlı «Petkim»ə yeni investisiyalar qoyulmalıdır. Biz «Petkim»in kimya zavodunun yaxınlığında yeni neft emalı kompleksi tikməliyik». Rövnəq Abdullayev bildirib ki, kompleks hazır olduqdan sonra «Petkim»i xammalla təmin edəcək və bununla da şirkətin xammal təminatı üç dəfə artacaq. Nəticədə əldə olunan yanacaq məhsulları Türkiyə bazarında satıla biləcək və AКDNŞ əlavə gəlir əldə etmək imkanı qazanacaq. ADNŞ prezidenti məlumat verib ki, neft emalı zavodunun tikintisinə gələn ildən başlanacaq və 2-3 milyard dollar investisiya qoyulacaq. Rövnəq Abdullayev bildirib ki, qiyməti 2 miyard 40 milyon dollar dəyərində olan «Petkim» şirkətinin alınması üçün 1 milyard 660 milyon dollar vəsait ödənilib. Qalan 380 milyon dolların isə üç ildən sonra ödənilməsi barədə razılıq əldə edilib.
Rövnəq Abdullayev onu da deyib ki, Ceyhandakı neft emalı zavodunun tikintisi də davam edir: «Biz lazımi lisenziyaların əksəriyyətini almışıq və ətraf mühitə təsir lisenziyasını almaq üzrəyik. Layihə ABŞ-ın böyük mühəndis şirkətlərindən biri ilə birgə işləyirik. Düşünürük ki, bir neçə ildən sonra Ceyhan və İzmirdə neft emalı kompleksi və kimya təsisatları ilə birlikdə böyük komplekslər əldə edək. Bu işi həyata keçirdikdən sonra biz Türkiyə bazarının kimya sahəsinin 60 faizə qədərini, yanacaq məhsullarının isə 40-50 faizini təmin edə biləcəyik».
Rövnəq Abdullayevin sözlərinə görə, prezident İlham Əliyevin xeyir-duası ilə Türkiyənin ən böyük inşaat şirkəti olan «Tekfen»lə anlaşma imzalanıb və ADNŞ onun 50 faizin almaq niyyətindədir. Anlaşma bir həftə əvvəl imzalanıb və Azərbaycan hökuməti hesab edir ki, Türkiyədə irimiqyaslı işləri həyata keçirmək üçün böyük inşaat şirkətinə ehtiyac var.1
Rövnəq Abdullayev Azərbaycan neft ehtiyatları ilə bağlı suala belə cavab verib: «Bizim 150-200 illik neftimiz var. Neftin tükənməsindən narahat olmağa dəyməz. Prezident İlham Əliyevin göstərişi ilə böyük bir proqram hazırlanır. Biz ehtiyatlarımızı dəqiqləşdiririk. Bunun üçün geoloji və kəşfiyyat işləri aparılacaq». |
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
|
|
|
|
|
| |
 SORĞU |
|
|
|
|
|
|
|
|
Eyni kateqoriyadan digər xəbərlər
