| |
 Geri |
|
| |
 |
Alın yazısı
15.09.2008 12:39:53
Alın yazısı (qədər) insanı məsuliyyətdən uzaqlaşdıra bilərmi?
|
|
| |
Qədər - Rəbbimizin baş verə biləcək hadisələri əvvəlcədən bilməsi və bunu levhi-mahfuza (kainatda olmuş və olacaq hər şeyin aləm yaradılmamışdan əvvəl yazıldığı və qorunduğu lövhə) yazmasıdır.
Bu, bir mühəndisin tikdirəcəyi binanın layihəsini əvvəlcədən çəkməsinə və vaxtı gəlincə həmin layihəni mərhələ-mərhələ həyata keçirməsinə də bənzəyir. Bəzən insanlar belə düşünürlər: “Madam ki, Allah bizim haqqımızda hər şeyi yazıb və biz də yazılanları icra etməyə məcburuq, deməli, biz gördüyümüz işlərə görə məsuliyyət daşımalı deyilik”. Bu düşüncə tərzinin yanlış olduğunu sübut etmək üçün dərin düşünməyə ehtiyac yoxdur. Bir nümunə ilə məsələyə aydınlıq gətirək. Dəmiryolunun üzərindəki körpünün üstündə dayanan bir nəfər eyni relslərdə əks istiqamətdə hərəkət edən qatarların toqquşacağını xəbər verir. Bir müddət sonra onun proqnozu özünü doğruldur: qatarlar toqquşur. Maşinistlərin günahı körpüdəki adamın üzərinə ataraq: “Əgər o deməsəydi, biz toqquşmayacaqdıq. Təqsirkar da odur”, - deməyə haqqı varmı? Allahın (c.c.) elmi sonsuzdur, O, zaman anlayışından münəzzəhdir. O, həm keçmişi, həm də gələcəyi ən incə detallarına qədər bilir.
Unudulmamalıdır ki, insana iradə verilib. İnsan seçimini iradəsi ilə edir. Bu səbəbdən hər davranışına görə məsuliyyət insanın üzərinə düşür.
“Alın yazımda ibadət etmək yoxmuş”, - demək də qədər anlayışını yanlış anlamaq və yozmaqdan irəli gəlir. Bir gün belə düşünən adamlardan biri din xadimlərindən birinin yanına gələrək: “Mən də sizin kimi namaz qılmaq, oruc tutmaq istəyirəm. Ancaq alın yazımda ibadət etmək yazılmayıb”, - deyir. Din xadimi yerindən durub onun yanına gəlir: “Tez dur, gedirik”. Adam çaş-baş qalır: “Hara gedirik?” - “Alın yazını oxuduğun yerə”, - cavabını verir din xadimi. Dindarın cavabı onu əməlli-başlı çaşdırmışdı: “Mən elə bir yazı oxumamışam”. Bu vaxt əzan oxunur, dindar onu namaz qılmağa dəvət edir: Gəl, mənimlə namaz qıl və iradəni namaz qılmaq yönündə istifadə et. Həmin adam dəstəmaz aldı və namazını qıldı.
zaman.az
|
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
|
|
|
|
|
| |
 SORĞU |
|
|
|
|
|
|
|
|
Eyni kateqoriyadan digər xəbərlər
