| |
Vladimir Putin Azərbaycanda Rusiya şirkətlərinə yaradılmış şəraitə görə İlham Əliyevə təşəkkür edib.
Moskvada səfərdə olan prezident İlham Əliyev Rusiya prezidenti Vladimir Putinlə görüşüb. Hər iki ölkənin prezidenti bildirib ki, ölkələr arasında hər hansı həll edilməmiş məsələ yoxdur. «Bizim heç bir problemimiz yoxdur, əksinə iqtisadiyyat sahəsində irəliləyişlərimiz var», deyə Putin bildirib. Onun sözlərinə görə, iki ölkə arasında ticarət dövriyyəsi 2006-cı ildəki kimi yaxşı olmayıb. Lakin artım tempi heç də pis deyil. «Rusiya iş adamları Azərbaycanın iqtisadiyyatına getdikcə daha çox investisiya qoyurlar». O Azərbaycanda Rusiya şirkətləri üçün yaradılmış şəraitə görə, İlham Əliyevə təşəkkürünü bildrib. «İnvestisiyə fəaliyyəti energetika sahəsində də inkişaf edir».
Azərabycan prezidenti İlham Əliyev bildirib ki, həm siyasi, həm iqtisadi, həm də humanitar sahələrdə iki ölkə arasında əməkdaşlıq effektli şəkildə inkişaf edir.
İlham Əliyev Rusiya şirkətlərinin özlərini Azərbaycanda rahat və əmin hiss etdiklərini təsdiqləyib. «Onlar yerli şirkətlər üçün yaradılan bütün şəraitlərdən istifadə edirlər».
|
Geri
Eyni kateqoriyadan digər xəbərlər
