| |
Elsevər Ağayev: «Səhiyyə Nazirliyi pulsuz tibbi xidmətə keçidlə bağlı dövlət büdcəsindən əlavə vəsait istəyəcək».
«Əgər pulu tibbi xidmət normal fəaliyyət göstərsəydi və ordan qaneedici vəsait toplansaydı, bu xidmət ləğv olunmazdı». Bu sözləri səhiyyə nazirinin müavini Elsevər Ağayev deyib. Onun sözlərinə görə, araşdırmalar aparıldı və məlum olub ki, səhiyyənin dövlət büdcəsindən aldığı 300 milyon manat vəsaitinə qarşı pulu xidmətdən cəmi 5 milyona yaxın vəsait toplanıb: «Bu, səhiyyəyə dövlət tərəfindən ayrılmış vəsaitin cəmi 1,5 faizi qədərdir. Pulu xidmətdən toplanan belə kiçik rəqəmlərlə səhiyyənin inkişafı üçün böyük addımlar atmaq mümkün deyil. Pulu xidmətdən gələn vəsaiti biz büdcə dürüstləşməsi zamanı hökumət qarşısında qaldıracağıq və yəqin ki, əlavə vəsait istəyəcəyik. Bizim üçün 5-10 milyon manatı büdcədən istəmək daha rahatdır, nəinki yerlərdə pullu xidmət adı altında neqativ hallara yol verilsin. Bu addım həm də belə neqativ hallarının qarşısının alınması üçün atılıb». Elsevər Ağayevin sözlərinə görə, pulu tibbi xidmətin ləğvindən sonra peşəkar həkimlərin dövlət xəstəxanalarını tərk etməsi barədə məlumatlar həqiqətə uyğun deyil. |
Geri
Eyni kateqoriyadan digər xəbərlər
