| |
 Geri |
|
| |
 |
"İslam-mənəvi imperiyadır..."
20.05.2008 13:15:41
"İslam-mənəvi imperiyadır, burada öyrənməli çox şey var" deyə İsrail ravvini ABŞ administrasiyasını İslamı öyrənməyə çağırıb |
|
| |
“Qərb İslam dünyasına hörmət etməyi öyrənməyənədək Müqəddəs torpaqda sülh olmayacaq. İslam və Şərq mədəniyyətinə hörmət etməyə başlamaq lazımdır. Amerikalıların və bir çox yəhudilərin təkəbbürü, lovğalığı, dikbaşlığı müsəlmalarda olduğu kimi mənim üçün də qəbuledilməzdir”. İsrail siyasi fəalı, ravvin Mehaxem Fruman belə hesab edir. Bu barədə o, “Ekspert” jurnalında dərc olunmuş müsahibəsində bildirib.
Ravvin qeyd edib ki, israillilər və fələstinlilər- xırda xalqlardır, amma onların bir tapşırıqları var- “Qərb və İslam mədəniyyəti arasında körpü yaratmaq”. İsrail-Fələstin münaqişəsinə toxunan M. Fruman əlaqələrin yoluna salınması üçün yeni -daha az siyasi və daha çox mənəvi formulun vacibliyini bildirib. “Mən şeyx Əhməd Yasinlə (2004-cü ildə İsrail aviazərbəsi nəticəsində həlak olan “Həmas” təşkilatının mənəvi lideri) görüşmüşəm və biz Müqəddəs torpaqda ali hakimiyyətin haqq-təalaya məxsus olduğu barədə danışmışdıq. Düşünürəm ki, Qüdsün statusu barədə də bu yolla danışmaq olar. Niyə də Qüdsə dünyanın paytaxtı statusu verilməsin!", deyə ravvin qeyd edib. Onun sözlərinə görə, Müqəddəs torpaqda yaranmış münaqişə yalnız ərazi iddiası deyil, “bu, Qərblə müsəlman dünyası arasında olan əlaqə ilə bağlı olan daha geniş problemdir”.
“Mən hələ ABŞ-da əkiz qüllələrin məhvindən xeyli əvvəl demişdim ki, onlara qarşı terror törədiləcək və onlar partladıldılar.. Yaxşı olardı ki, ABŞ-ın xarici siyasət administrasiyasının nümayəndələri bir il məzuniyyət götürsünlər və mənim etdiyim kimi oturub şeyxlərlə birgə Quran və hədisləri öyrənsinlər. Sülhə nail olmaq üçün, müsəlmanları başa düşmək lazımdır. İslam- mənəvi imperiyadır, burada öyrənməli çox şey var”, deyə M. Fruman bildirib. |
| |
|
| |
|
|
|
| İrad tutulmamışdır. İlk iradçı olmaq üçün tıklayın!
|
|
|
|
|
|
| |
| |
|
|
|
|
|
|
|
|
| |
 SORĞU |
|
|
|
|
|
|
|
|
Eyni kateqoriyadan digər xəbərlər
