| |
 Geri |
|
| |
 |
| Günel AZƏRİ |
|
| Sakit!Serial başlayır... | |
| 14.02.2008 | |
| Seriallar ya da başqa cür desəm bu günkü cəmiyyətimizin ən əsas mövzusu. | |
|
| |
Gün ərzində kanallarımızda 2 və daha çox serial yayımlanır. Bunların hamısı da demək olar ki xarici seriallardır. Hələ bunların gün ərzində bir dəfə yayımlanması azmış kimi təkrar olaraq da efirə verilir. Bu seriallarin həm mənfi həm də müsbət cəhətləri var. Baxmayaraq ki, müsbət cəhətləri olduqca azdır. Alimlərin araşdırmalarına görə bu seriallar insan beyninə mənfi təsir göstərir və beyni zəiflədir. Çox təəssüflə qeyd etməliyəm ki, bizim bir çox ailələrimizdə ata və analar bu serialları azyaşlı uşaqları ilə birgə seyr edirlər. Saat 22.00-da normal uşağın yatmaq vaxtıdır amma onlar həyacanla oturub “İhlamurlar Altında”, “Aliyə” ya da “Min bir Gecə”ni gözləyirlər. Ən qəribəsi də odur ki, valideyinləri buna səssiz yanaşırlar, hələ seriada olan və izləmədikləri yenilikləri uşaqlarından soruşurlar. İndi bəlkə də Azərbaycanın bir çox ailələrində valideynlə övladın yeganə ortaq mövzusu elə bu seriallardır. Bu isə gələcəyimizə gedən yolun nə qədər uçurumlu olduğunu göstərən əsas amildir. Axı bu gün bu seriala baxan azyaşlı səhər orda gördüklərin etməyə çalışacaq. Türkiyə televiziya kanallarında çox gözəl bir qayda var. Yayımlanan hər bir verilişə və ya seriala yaş həddi qoyulur. Şiddət olan kinolara 7 yaşından aşağı uşaqların baxmasına icazə verilmir. Ya da bəzi kinolara 18 yaşından aşağı yeniyetmələrin baxması qadağandır. Bu qanun bizdə də olsaydı tam yerinə düşərdi. Hal hazırda televiziyada bəlkə də ən çox izlənən elə bu tənqid etdiyim seriallardır. Dərindən fikirləşəndə bu necə də utanılası bir haldır. Axı bu insanların, bu cəmiyyətin daha vacib işləri, daha aktual mövzuları olmalıdır. Daha Maria burdan gəldi Antoni burdan getdi kimi mövzular yox. Bəzi insanlar seriala, ordakı insanlara elə aludə olurlar ki, serial zamanı ev yansa, evi oğru yığıb aparsa xəbərləri olmaz. İnsanlardakı sonsuz serial sevgisi mənə çox qəribə gəlir. Ətrafımdakı insanlarda bunu çox muşahidə etmişəm. Qohumlar bir yerə yığışırlar. Tutaq ki ad gününə. Və inandırım sizi ki, bir birilərini bəlkə də həftələrdir görmürlər ancaq buna baxmayaraq danışdıqları tək mövzu yenə də seriallar olur. Gah Klonun Hadisi gah da Yaprak Dökümünün Leylası. Axı bu nə qədər olar......... İndi yəqin fikirləşəcəksiniz ki, mən bu seriallara pis yanaşıram və onlara baxmıramsa ordakı qəhrəmanların adlarını necə bilirəm. Amma inanın ki, ətrafımda bu söhbətlər o qədər gedir ki, həm bezirəm həm də istər-istəməz əzbərləyirəm. Bəzən mənə çox gülməli gəlir. Bilirsiz nə? Qohum yığıncaqlarında hamı səssiz oturur TV-nin səsi tam açılır. Sükut! Tam olaraq səssiz! Hami ekran başına serial izləməyə. Görürsüz necə də vacib işdi. Serialdı, heç onu qaçırmaq olar? Düz 1 saat bu əzab, kimiləri üçünsə tapılmayan əyləncə davam edir. Bu saat ərzində dünyayla bağlantı kəsilir və serialdakı insanlara aludə başlanır. Bəzən hətta ordakı qəhrəmanlardan özünə həyat obrazı seçən də olur. Axı bu nə qədər düzdü. İnsan özünü kinodakı qəhrəmanla qarşılaşdıra bilər problem yoxdu ancaq hər an düşünməlisən ki o kinonun və ya serialın bir ssenaristi var. Həyatınızın ssenari isə əmin olun ki bütün günü bu serialları izləməklə heç də yaxşı yönə dəyişməyəcək. Əlbəttəki bu serialların içərisində yaxşı tərbiyəvi mesaj verənləri də var. Amma onu kənardan izləsən, daha içinə girib həyatının bir parçası etməsən. Şiddət olan seriallar isə məncə uşaqlara izlədilməməlidir. Burada isə əsas iş valideyinlərə düşür. Övladlarınızın gələcəyi və tərbiyəsi üçün onların nəyi və nə vaxt izlədiklərinə diqqət yetirin. Unutmayaq ki, gələcəyə geden yol bu gündən keçir.
Günel Cəfərova
|
| |
|
| |
|
|
|
| | gelin heqiqeten de problem olan problemlerimize toxunaq |
| Gunel xanim yazdiginiz movzu ve fikirler ile raziyam amma mueyyen menada. Bele ki evvela insanlarin zovqu muxtelif oldugu ucun siz ictimai ...  |
|
|
|
|
|
|
| |
| |
|
|
|
|
|
|
|
|
| |
 SORĞU |
|
|
|
|
|
|
|
|
